Fimmtudagur, 21. september 2017

Skólasamstarf vetrarins hófst í dag með heimsókn 1. Bekkjar Heiðarskóla í Skýjaborg. Fagnaðarfundir voru hjá vinum og systkinum. Börnin byrjuðu á að koma inn að leika; perla, kubba í einingakubbum, duplo kubbum og smellukubbum, leira o.fl. Þá fengu allir sér appelsínubita og skelltu sér svo út í góða veðrið að leika þar sem sólin lét sig ekki vanta. Spenningur var hjá 1. bekk að skoða nýju lóðina á bakvið. Frábær heimsókn, takk fyrir komuna. 

Myndir eru komnar á myndasíðu Skýjaborgar. 

Fimmtudagur, 14. september 2017

16. september er dagur íslenskrar náttúru. Markmiðið með þeim degi er að beina sjónum landsmanna að hinni einstöku náttúru landsins, gögnum hennar og gæðum. Við héldum upp á þann dag í gær, 13. september. Í tilefni þessa dags fóru deildarnar í göngutúr. Regnboginn gekk sem leið lá í skóginn fyrir neðan veg. Börnin sáu hálfmána á lofti, ásamt sólinni, risasvepp, berjalyng og ber. Komið var við í Hundraðekruskóginum þar sem sungið var fyrir litla tréð okkar sem við fylgjumst með vaxa. Börnin léku sér svo með steina á melnum og fengu sér eplabita.

Fimmtudagur, 14. september 2017

Í dag héldum við upp á Dag íslenskrar náttúru. Skólastarfið fór fram í Brynjudal í blíðskaparveðri. Börnin fóru á þrjár stöðvar, unnu verkefni sem tengdust náttúrunni og léku sér í skóginum. Í hádegismat voru grillaðar pylsur. Dagurinn var vel heppnaður og ekki annað að sjá en að börnin skemmtu sér vel við  leik og störf í skóginum. Í myndaalbúm skólans eru komnar myndir frá Brynjudal. 

Þriðjudagur, 12. september 2017

Á föstudaginn var dagur læsis

Þá var lesið með börnunum í minni hópum og bókin rædd sérstaklega.

Við hvetjum foreldra til að lesa fyrir börnin sín á hverjum degi. Það hefur góð áhrif á þroska barna sem og býr til notalega stund meðal barna og foreldra.

  • Heiðarskóli
mánudagur, 11. september 2017

Í dag fengum við góða gesti. Hljómsveitin Milkywhale kom og spilaði nokkur lög fyrir nemendur skólans. Hljómsveitin er á ferð um landið á vegum "List fyrir alla". Milkywhale er danshljómsveit skipuð danshöfundinum og söngkonunni Melkorku Sigríði Magnúsdótttur og tónlistarmanninum Árna Rúnari Hlöðverssyni (FM Belfast, Prins Póló). Saman hafa þau skapað röð popplaga eftir textum Auðar Övu Ólafsdóttur rithöfundar, nokkurs konar sjónrænt ferðalag inn í hljóðheima og dansflutning.

Pages