Þriðjudagur, 5. desember 2017

Í dag var okkur boðið yfir í Stjórnsýsluhúsið að tendra jólaljósin á jólatrénu. Við sungum nokkur jólalög og dönsuðum í kringum jólatréð. Að því loknu var okkur boðið inn í kleinur og svala. 

Föstudagur, 1. desember 2017

Þá er desember genginn í garð. Fullveldisdagurinn í dag og við flögguðum.

Við leggjum upp með rólegan desember með góðum leik úti og inni, tónlist og föndri.

Nýr matseðill og mánaðardagatal desembermánaðar er komið inn.

Matseðill: http://skoli.hvalfjardarsveit.is.b400.opex.is/content/matseðill

Mánaðardagatal: http://skoli.hvalfjardarsveit.is.b400.opex.is/content/mánaðardagatöl

Miðvikudagur, 29. nóvember 2017

Í morgun er búin að vera heilmikil smákökuframleiðsla hér í Skýjaborg og ilmar húsið nú af nýbökuðum smákökum. Börnin á Regnboganum gerðu piparkökur í mörgum stærðum og börnin á Dropanum gerðu súkkulaðibitakökur. Hér er sko fullt af flottum upprennandi bökurum. Börnin ætla svo að bjóða upp á afraksturinn í jólakaffi þann 6. desember. 

Þriðjudagur, 28. nóvember 2017

Í morgun mættu tveir flottir leikarar til okkar í Skýjaborg frá leikhópnum Vinir og sýndu leiksýninguna Strákurinn sem týndi jólunum. 1. bekkur kom og naut sýningarinnar með okkur. Börn og starfsmenn voru yfir sig glöð með sýninguna og höfðu gaman af. Takk fyrir okkur. 

Föstudagur, 24. nóvember 2017

Morgunsöngur er í Heiðarskóla á u.þ.b. tveggja vikna fresti. Morgunsöngurinn hefur mælst vel fyrir og okkur er stöðugt að fara fram í söngnum. Stigin skiptast á að velja lögin. Yngsta stigið valdi lögin sem sungin voru í gær. Það voru lögin Ljúft að vera til, Á íslensku má alltaf finna svar og Hafið bláa hafið. Dagur íslenskrar tónlistar verður þann 7. desember n.k. Þá tekur Heiðarskóli þátt í svokölluðum Þjóðarsöng þegar þremur lögum verður útvarpað kl. 11:05 á Rás 1, Rás 2 og Bylgjunni. Þjóðin er hvött til taka hlé frá námi, vinnu eða annarri iðju og syngja saman.

Pages