Þriðjudagur, 28. október 2014

Samstarf er á milli nemenda í 1. og 10. bekk í Heiðarskóla. Nemendur bekkjanna hittast reglulega yfir skólaárið og gera ýmislegt saman. Fyrsti samstarfstíminn var í dag og voru allir mjög ánægðir með tímann. Markmið samstarfsins er að auka samheldni, hjálpsemi og stuðla að jákvæðum skólabrag. Krakkarnir byrjuðu á því að spjalla saman. Síðan var ipad verkefni, þar sem unglingarnir lásu inn á ipada 1. bekkinga hljóðbók, bækurnar sem börnin hafa verið að lesa, Sísí og Lóló o.s.frv. Notast var við appið Book recorder.

Föstudagur, 24. október 2014

Sigurbjörg Friðriksdóttir er nýr starfsmaður á Regnboganum. Við bjóðum hana velkomna til starfa.

Þriðjudagur, 21. október 2014

Stemningin á Laugum er mjög góð.  Allir sváfu vært og vöknuðu hressir í morgun.  Í dag eru krakkarnir að æfa sig í að fara á stefnumót og eiga samtöl við fólk.  Síðan fara þeir í námskeiðið Kjarkur og þor, sem reynir á að tala fyrir framan hóp af fólki.

Á morgun fara svo krakkarnir okkar á Erpsstaði og Eiríksstaði.

mánudagur, 20. október 2014

Þessa vikuna dvelja nemendur okkar í 9. bekk í skólabúðum að Laugum í Sælingsdal ásamt tveimur starfsmönnum skólans. Allir eru komnir í hús og skipulögð dagskrá hafin. Við fáum vonandi fréttir af ferðalöngunum í vikunni.

Miðvikudagur, 15. október 2014

Norræna skólahlaupinu sem vera átti í dag hefur verið frestað vegna slæmra loftgæða.  Hlaupið bíður betri tíma :)

Pages