Heiðarskóli

Fimmtudagur, 8. febrúar 2018

Þessa vikuna dvelja allir tíu nemendur 7. bekkjar ásamt Einari kennara í skólabúðum að Reykjum í Hrútafirði. Þangað var haldið með rútu um kl. 9:30 á mánudagsmorgun en nemendahópur frá Klébergsskóla var samferða norður yfir heiðina. Ferðalagið gekk mjög vel en á fréttamiðlum hafði komið fram að slæm færð væri á Holtavörðuheiði. Það reyndist ekki rétt því rennifæri var á heiðinni og bjart veður. Í Reykjaskóla var komið um kl. 11:30 og eftir að hafa fengið súpu og brauð hófst fyrsta kennslustund vikunnar.

 

  • Heiðarskóli
Fimmtudagur, 1. febrúar 2018

Birgitta Guðnadóttir, starfsmaður Heiðarskóla til nær 27 ára, hætti störfum nú um mánaðamótin. Af því tilefni afhentu nemendur skólans Birgittu kveðjukort í vikunni. Við þökkum Birgittu fyrir samstarfið og vel unnin störf undanfarna áratugi. Við óskum óskum henni velfarnaðar á nýjum vettvangi. Ásrún Ösp Jóhannesdóttir hefur verið ráðin í starf skólaliða frá og með mánaðamótum. Við bjóðum Ásrúnu velkomna til starfa. 

  • Heiðarskóli
Fimmtudagur, 1. febrúar 2018

Á þriðjudaginn hófst skóladagurinn á morgunsöng við varðeld í myrkri, snjó og kulda. Sungin voru nokkur lög við gítarundirspil og að söng loknum gæddum við okkur á heitum súkkulaðidrykk. Sannkölluð gæðastund. 

  • Heiðarskóli
Fimmtudagur, 1. febrúar 2018

Þorrablót Heiðarskóla var haldið í dag. Skemmtun var haldin í matsal skólans þar sem við sungum og fórum í leiki. Eftir skemmtun gæddu nemendur og starfsmenn sér á gómsætum Þorramat. Steinunn Árnadóttir, píanókennari frá Tónlistarskólanum á Akranesi, aðstoðaði nemendur Tónlistarskólans á Akranesi við undirspil á blótinu. Við færum Steinunni bestu þakkir fyrir og nemendum þökkum við fyrir skemmtilegt Þorrablót. Á meðfylgjand mynd má sjá stelpur á öllum aldri syngja Minni karla, körlum til heiðurs. Strákarnir sungu síðan Minni kvenna, konum til heiðurs.

Föstudagur, 26. janúar 2018

Orð eru til alls fyrst. Þetta fengu nemendur Heiðarskóla að upplifa eftir að upp kom hugmynd um skíðaferð unglingadeildar í Nemendafélagi skólans. Skemmst er frá því að segja að hugmyndin varð að veruleika. Krakkarnir fóru í skíðaferð í gær og hér á eftir má lesa frásögn Maríu Bjarkar Ómarsdóttur nemanda í 10. bekk af skíðaferðinni. 

Pages