Skýjaborg

Fimmtudagur, 5. október 2017

Börn í árgangi 2012 í Skýjaborg unnu smásagnakeppni KÍ, Heimilis og skóla og Samtaka móðurmálskennara í flokki leikskólabarna í ár, með söguna Kennarinn með blað í fanginu sínu. Af því tilefni fóru þau í dag til Reykjavíkur í Hörpuna að fá verðlaun afhent. Börnin fengu innrammað viðurkenningarskjal, Kindle lestölvu og stóran blómvönd.

Fimmtudagur, 14. september 2017

16. september er dagur íslenskrar náttúru. Markmiðið með þeim degi er að beina sjónum landsmanna að hinni einstöku náttúru landsins, gögnum hennar og gæðum. Við héldum upp á þann dag í gær, 13. september. Í tilefni þessa dags fóru deildarnar í göngutúr. Regnboginn gekk sem leið lá í skóginn fyrir neðan veg. Börnin sáu hálfmána á lofti, ásamt sólinni, risasvepp, berjalyng og ber. Komið var við í Hundraðekruskóginum þar sem sungið var fyrir litla tréð okkar sem við fylgjumst með vaxa. Börnin léku sér svo með steina á melnum og fengu sér eplabita.

Þriðjudagur, 12. september 2017

Á föstudaginn var dagur læsis

Þá var lesið með börnunum í minni hópum og bókin rædd sérstaklega.

Við hvetjum foreldra til að lesa fyrir börnin sín á hverjum degi. Það hefur góð áhrif á þroska barna sem og býr til notalega stund meðal barna og foreldra.

Miðvikudagur, 9. ágúst 2017

Leikskólinn hófst í dag eftir sumarfrí. Börnin litu hissa út um gluggann að sjá að enginn leiktæki voru á bakvið hús. En verið er að gera upp baklóðina og eru nú komnir menn að setja upp ný leiktæki. Það verður því spennandi að fylgjast með nýrri lóð spretta upp á bakvið hús á næstu dögum. 

Miðvikudagur, 21. júní 2017

Í vetur hafa börnin í elsta hóp rannsakað Heiðarskóla í gegnum könnunaraðferðina. Nú í síðustu viku voru þau með kynningu fyrir foreldra, starfsmenn og börn á Regnboganum á því sem þeim fannst mikilvægast/merkilegast í skólasamstarfinu. Áhugavert var að sjá að þeim þótti ólíkir hlutir mikilvægir og því var kynningin mjög fjölbreytt. Börnin stóðu sig eins og hetjur í að koma fram og segja frá. 

 

Pages