Skýjaborg

  • Skýjaborg
Föstudagur, 17. febrúar 2017

Við áttum góða stund í morgun þegar konur í lífi barnanna fjölmenntu í leikskólann í morgunkaffi. Takk kærlega fyrir komuna kæru mömmur, ömmur og frænkur. Eigið góða helgi. 

Þriðjudagur, 14. febrúar 2017

Á mánudaginn í síðustu viku, þann 6. febrúar, héldum við upp á Dag leikskólans. Við skelltum okkur öll saman út, drógum íslenska fánan á hún og fórum í göngutúr um hverfið. Þess má geta að fáninn vakti eftirtekt og var fólk að velta fyrir sér af hverju væri flaggað og gaf það tækifæri til umræðna um Dag leikskólans.

Föstudagur, 20. janúar 2017

Í dag er bóndadagur og höfum við myndað okkur skemmtilega hefð að bjóða öllum körlum í lífi barnanna í karlakaffi. Við áttum góðan morgun saman með kaffibolla og brauðsneið í hönd. Takk fyrir komuna allir sem mættu og til hamingju með daginn bændur!

Við ákváðum einnig að halda þorrablót í hádeginu í dag. Börnin undirbjuggu það með því að gera víkingahjálma. Við smökkuðum ýmsan þorramat og ræddum heiti matarins. Börnum og starfsfólki fannst maturinn misgóður en allir fundu eitthvað við sitt hæfi. 

  • Skýjaborg
mánudagur, 9. janúar 2017

Á fimmtudaginn var buðum við upp á innidótadag. En börn á Regnboganum höfðu óskað eftir dótadegi á haustmánuðum við skólastjóra og auðvitað reynum við að uppfylla óskir barnanna. Fjölbreytt og skemmtilegt dót mætti með börnunum og flottur leikur myndaðist. Börnin voru einnig dugleg að skiptast á og leyfa öðrum að leika með og skoða dótið sitt. 

Föstudagur, 23. desember 2016

Leikskólinn er lokaður mánudaginn 26. desember, en opinn aðra virka daga. Opnum svo aftur 2. janúar og vekjum við athygli á því að það er enginn starfsdagur í janúar. 

Eigið gleðileg jól! 

 

Pages