Skýjaborg

Þriðjudagur, 23. maí 2017

Mánudaginn 22. maí fóru börn 3 ára og eldri ásamt starfsfólki í sveitaferð að Bjarteyjarsandi. Vel var tekið á móti okkur, fengum við að sjá kindurnar, lömbin, geitur, grísi, kanínur og hænuunga. Við lékum okkur í hlöðunni, hoppuðum í heyjinu og fengum að halda á lömbum. Við fórum í fjöruna, skoðuðum sjávardýr í körunum og klifruðum í bátnum. Að lokum fengum við grillaðar pylsur, lékum á leikvellinum og fórum að lokum glöð og kát heim á leið aftur í rútunni. 

Miðvikudagur, 17. maí 2017

Í dag útskrifuðum við 10 flotta krakka úr leikskólanum Skýjaborg sem munu öll hefja grunnskólagöngu í haust í Heiðarskóla. Útskriftarhópurinn söng tvö lög og fóru með þulu. Það er búið að vera gleðilegt að fylgjast með þessum flottu börnum vaxa og dafna. Börnin fengu útskriftarskírteini og gjöf, sem voru birkitré til minningar um veru þeirra í Skýjaborg. Við óskum þem alls hins besta í framtíðinni. Myndir komnar á myndasíðuna. 

  • Skýjaborg
Fimmtudagur, 11. maí 2017

Föstudaginn 12. maí kl. 9:30 munum við opna hina árlega Vorsýningu Skýjaborgar í Stjórnsýsluhúsinu. Allir eru velkomnir á opnunina. 

Sýningin mun standa opin í þrjár vikur eða til föstudagsins 2. júní. 

Við hvetjum alla til að kíkja við og skoða hvað börnin hafa verið að fást við í vetur. 

Uppfært: Myndir af opnuninni eru komnar á myndasíðuna. 

Miðvikudagur, 3. maí 2017

Skraddaralýs, bútasaumsklúbbur í sveitinni, færði leikskólanum í gær 16 bútasaumsteppi ásamt nokkrum koddastykkjum að gjöf. Með gjöf sinni vilja þær sína Hvalfjarðarsveit þakklæti sitt  að fá afnot af félagsheimilinu Fannahlíð endurgjaldslaust. Við þökkum þeim kærlega fyrir frábæra og nytsamlega gjöf. Myndir frá afhendingu má sjá á myndasíðu skólans. 

Fimmtudagur, 27. apríl 2017

25. apríl var Dagur umhverfisins. Líkt og síðustu ár fórum við út og hreinsuðum nánasta umhverfi okkar. Góður dagur í alla staði. Börnin skoðuðu ruslið og veltu fyrir sér hvaðan það kæmi. Hugmyndin var svo að búa eitthvað skemmtilegt til úr því, eins og hefur stundum verið gert hér síðustu ár, en það var meiri áhugi hjá börnunum að fara að leika í öðru í garðinum. Svo ruslið fór í ruslið og börnin fóru að leika sér.

Pages