Skýjaborg

  • Skýjaborg
Föstudagur, 23. febrúar 2018

Í dag fögnuðum við konudeginum sem var síðastliðinn sunnudag. Við buðum öllum konum í lífi barnanna til okkar í morgunkaffi. Allt gekk mjög vel og áttum við notalega stund saman í morgunsárið. Við þökkum öllum sem komu kærlega fyrir komuna.

mánudagur, 19. febrúar 2018

Árlega í jan/feb blöndum við saman fræjum og fitu og búum til fuglafóður fyrir smáfuglana. Það gerðum við í síðustu viku og hengdum upp í tré og settum á snjóinn. Fuglarnir hafa aðeins látið sjá sig eins og sjá má ef vel er að gáð á myndinni hér. Með þessari vinnu verða börnin betur meðvituð um náttúruna, dýralífið og þá smáfugla sem eru hjá okkur allan ársins hring. 

Föstudagur, 9. febrúar 2018

Elsta árgangi í leikskóla (2012) á Akranesi og Hvalfjarðarsveit var boðið í heimsókn á slökkvistöðina í dag. Þráinn slökkvistjóri tók á móti börnunum og sagði þeim frá 112 deginum sem er á sunnudaginn og svo var horft á nýja mynd með Gló og Loga. Í henni var farið yfir mikilvægi þess að hafa reykskynjara í húsum, slökkvitæki tiltæk, eldvarnarteppi í eldhúsum og hringja í 112 ef upp kemur eldur. Eftir áhorfið fengu börnin nokkuð frjálsar hendur að skoða slökkviliðsbílana, máta hjálma og sprauta vatni úr slöngu. 

Miðvikudagur, 7. febrúar 2018

Í gær 6. febrúar fögnuðum við Degi leikskólans. Í tilefni dagsins höfðum við deildarugl, en þá er opið á milli deilda og frjáls leikur flæðir um leikskólans óháð aldri eða deild. Mikil gleði er þegar deildarugl er í boði og hefur þeim dögum sem það er í boði því fjölgað hægt og rólega vegna ánægju barnanna.

Að sjálfsögðu fórum við einnig út og flögguðum fyrir Degi leikskólans.

Í síðdegishressingunni buðum við svo upp á vöfflur. 

Góður hátíðisdagur. 

Föstudagur, 19. janúar 2018

Til hamingju með daginn kæru bændur landsins. 

Við í leikskólanum Skýjaborg tókum vel á móti þorranum. Í morgun á milli 8:30 og 10:00 buðum við öllum karlmönnum í lífi barnanna velkomna í morgunkaffi til okkar. Mæting var góð og áttum við notalega stund saman. Takk kærlega fyrir komuna allir sem sáu sér fært að mæta og njóta morgunsins með okkur. 

Í hádeginu höfðum við svo þorrablót. Boðið var upp á hangikjöt, uppstúf m. kartöflum, rófustöppu, sviðsultu, harðfisk, hákarl, súra hrútspunga, flatkökur og rúgbrauð. 

Pages