Skýjaborg

Þriðjudagur, 7. október 2014

Á morgun hefst skólasamstarf elstu barna leikskólans (f. 2009). Lagt verður af stað frá leikskólanum kl. 9:10 og er áætluð heimkoma um kl. 12:00. Fram að áramótum er sund og biðjum við alla um að koma með sundföt með sér.

mánudagur, 15. september 2014

Á morgun, á Degi íslenskrar náttúru, munum við flagga Grænfánanum í þriðja sinn í leikskólanum. Athöfnin verður kl. 9:15 og ætla vinir okkar í 1. og 2. bekk að heimsækja okkur af því tilefni, en þau eiga auðvitað mikið í verkefninu með okkur. Allir velkomnir að taka þátt sem tök hafa á. Klukkan 10 fer Regnboginn í fjöruferð í Súlunes og munu dvelja þar fram yfir hádegi. Allir að koma klæddir eftir veðri. 

 

Föstudagur, 12. september 2014
Þráinn slökkviliðsstjóri kom í heimsókn í morgun og ræddi við elstu börnin um brunavarnir. Börnin voru mjög áhugasöm og ætla að passa upp á að brunavörnum sé sinnt í leikskólanum. Þráinn bauð okkur að koma í heimsókn á slökkvistöðina og ætlum við að þiggja það boð í vetur.

 

  • Skýjaborg
Miðvikudagur, 10. september 2014

Hluti af markmiðum okkar í Grænfánaverkefninu næstu tvö ár verður að minnka plastpokanotkun í leikskólanum. Við erum þessa dagana að sauma fjölnota poka úr gömlum fötum sem við munum nota t.d. undir blaut föt barnanna. Við hvetjum foreldra til að nota þessa poka fremur en plastið....og muna svo að skila þeim í leikskólann aftur. Ef einhver lumar síðan á þreyttum bolum eða öðrum fatalörfum sem eru alveg að fara í ruslið þá viljum við gjarnan fá þá frekar til okkar:)

Búið að breyta gömlum hlýrabolum í poka.
Miðvikudagur, 3. september 2014

Undanfarna daga höfum við verið að undirbúa pappírsgerð. Við byrjuðum á að leyfa börnunum á Dropanum að leika sér með pappírsræmur sem fara í pappírsgerðina og leiddist þeim það ekki. Síðan var pappírinn lagður í bleyti, maukaður og þjappaður. Í morgun fóru elstu börnin í gönguferð og söfnuðu allskonar blómum, berjum, lyngi og stráum til að setja í pappírinn. Eftir hádegi hófst svo vinnan við sjálfa pappírsgerðina. Myndir komnar á myndasíðuna :) 

Pages