Skýjaborg

  • Skýjaborg
Föstudagur, 12. janúar 2018

Í gær brutum við upp hversdaginn og höfðum dótadag, þar sem börnin máttu koma með dót að heiman. Reglulega er starfsfólk spurt um dótadag og reynum við að vera við þeirri ósk einu sinni á ári. Að auki hefur myndast hefð fyrir útidótadegi á sumrin. Þetta var góður dagur og það komu alls kyns leikföng að heiman og mynduðust skemmtilegir leikir.

Föstudagur, 22. desember 2017

Við óskum öllum gleðilegra jóla, friðar og farsældar á nýju ári. 

Við þökkum samstarfið og samverustundir á árinu sem er að líða. 

Jólakveðja 

Starfsfólk Skýjaborgar 

  • Skýjaborg
Fimmtudagur, 14. desember 2017

Í gær, miðvikudaginn 13. des, héldum við litlu jólin hér í Skýjaborg. Það var rauður dagur og einnig mátti mæta í fínni fötum. Við dönsuðum í kringum jólatréð og Gluggagæjir jólasveinn kom og kíkti á gluggann og spurði hvort hann mætti koma að dansa með okkur. Börnin héldu það nú svo hann tók tillhlaup og hoppaði inn um gluggann hjá okkur. Gluggagæjir dansaði og söng með okkur, en svo fór hann aðeins að ruglast og fór að borða jólaserínu af trénu því hann fær sér alltaf jólacheerios í morgunmat. Gluggagæjir var mjög skemmtilegur og gaf börnunum mandarínur.

  • Skýjaborg
Fimmtudagur, 7. desember 2017

Ein hefð í Skýjaborg er að bjóða foreldrum og öðrum nærkomnum börnunum í jólakaffi. Þetta er róleg samverustund að morgni þar sem boðið er upp á morgunmat; brauð, álegg, heimabakaðar smákökur, kaffi, mjólk og heitt súkkulaði. Jólakaffið var í gær og var vel mætt. Við þökkum öllum kærlega fyrir komuna og minnum á að foreldrar eru ávallt velkomnir inn á deildarnar.

Fimmtudagur, 7. desember 2017

Börn og starfsfólk kom saman á Regnboganum kl. 11:05 á þjóðarsamsöng v. Dags íslenskrar tónlistar. Hlustað var á lögin, þeir sungu sem kunnu textana og við lokalagið, Gefðu allt sem þú átt, var einnig dansað. 

Eins og segir í auglýsingu um þjóðarsamsöngin, þá er magnaður sameiningarmáttur í því að syngja saman. Textar laganna í ár vekja okkur til umhugsunar, umvefja okkur og hvetja til dáða. 

Pages