Skýjaborg

Þriðjudagur, 28. nóvember 2017

Í morgun mættu tveir flottir leikarar til okkar í Skýjaborg frá leikhópnum Vinir og sýndu leiksýninguna Strákurinn sem týndi jólunum. 1. bekkur kom og naut sýningarinnar með okkur. Börn og starfsmenn voru yfir sig glöð með sýninguna og höfðu gaman af. Takk fyrir okkur. 

Föstudagur, 17. nóvember 2017

Í gær var dagur íslenskrar tungu. Við byrjuðum daginn á því fyrir morgunmat og drífa okkur út að flagga. Leikskólastjórinn fékk fullt af frábærum litlum höndum til aðstoðar. Svo fengum við 3. bekk í heimsókn til okkar líkt og hefð hefur verið hjá okkur. 3. bekkur las bók fyrir okkur og sungu með okkur. Leikskólabörnin tóku svo við og fóru með þuluna Buxur, vesti, brók og skór. Að samveru lokinni var opnað á milli deilda og frjálst að fara út, mikil gleði. Alltaf gaman af svona góðu samstarfi eldri og yngri barna. 

Föstudagur, 17. nóvember 2017

Í dag kom rithöfundurinn og leikarinn Ævar Þór (Ævar vísindamaður) í heimsókn til okkar í Skýjaborg og las upp úr bók sinni "Þitt eigið ævintýri". Börn 2-5 ára sátu og hlustu af mikilli athygli og tóku virkan þátt í sögunni. 

Þriðjudagur, 31. október 2017

Í morgun komu fulltrúar frá slysavarnardeildinni Líf og gáfu öllum börnunum endurskinsmerki. Við þökkum kærlega fyrir gjöfina og hvetjum foreldra og börn til að vera sýnileg í skammdeginu og nota endurskinsmerki. 

Föstudagur, 27. október 2017

Í dag er alþjóðlegi bangsadagurinn og því voru bangsar sérstaklega velkomnir með í leikskólann í dag. Að gamni höfðum við einnig náttfatadag. Mikil gleði var hjá börnunum og mættu bangsar af öllum stærðum og gerðum í leikskólann og börn í alls kyns náttfötum. Leikur myndaðist í kringum bangsana og var þeim einnig boðið með í afmælissamveru sem haldin er mánaðarlega fyrir afmælisbörn mánaðarins. 

Pages