Skýjaborg

Þriðjudagur, 12. september 2017

Á föstudaginn var dagur læsis

Þá var lesið með börnunum í minni hópum og bókin rædd sérstaklega.

Við hvetjum foreldra til að lesa fyrir börnin sín á hverjum degi. Það hefur góð áhrif á þroska barna sem og býr til notalega stund meðal barna og foreldra.

Miðvikudagur, 9. ágúst 2017

Leikskólinn hófst í dag eftir sumarfrí. Börnin litu hissa út um gluggann að sjá að enginn leiktæki voru á bakvið hús. En verið er að gera upp baklóðina og eru nú komnir menn að setja upp ný leiktæki. Það verður því spennandi að fylgjast með nýrri lóð spretta upp á bakvið hús á næstu dögum. 

Miðvikudagur, 21. júní 2017

Í vetur hafa börnin í elsta hóp rannsakað Heiðarskóla í gegnum könnunaraðferðina. Nú í síðustu viku voru þau með kynningu fyrir foreldra, starfsmenn og börn á Regnboganum á því sem þeim fannst mikilvægast/merkilegast í skólasamstarfinu. Áhugavert var að sjá að þeim þótti ólíkir hlutir mikilvægir og því var kynningin mjög fjölbreytt. Börnin stóðu sig eins og hetjur í að koma fram og segja frá. 

 

Fimmtudagur, 15. júní 2017

Nú hefur leikskóladagatal Skýjaborgar fyrir næsta skólaár verið samþykkt. Það má finna undir - Skýjaborg - skólastarfið - skóladagatal. 

Helstu upplýsingar um skólastarfið næstu vikur eru að leikskólinn lokar mánudaginn 10. júlí og opnar aftur fyrir börnin miðvikudaginn 9. ágúst. Það er starfsdagur þriðjudaginn 15. ágúst. 

Fimmtudagur, 15. júní 2017

Í gær fóru útskriftarbörnin okkar í útskriftarferð. Farið var á Akranes með rútu. Börnin byrjuðu á því að skoða vitann. Það þorðu allir upp en skulfu mis mikið. Svo var gengið allað leið á Langasand þar sem buslað var í sjónum og leikið sér. Eftir góðan leik var ferðinni heitið á Galito þar sem pizzaveisla beið barnanna. Eftir hádegismatinn var kíkt í heimsókn á Slökkvistöðina. Allir ánægðir með ferðina. 

Pages