Heiðarskóli

  • Heiðarskóli
Fimmtudagur, 14. desember 2017

Dagana 4.-8. desember s.l. var matarvigtunar vika hjá okkur í Heiðarskóla. Þetta er árlegur atburður í umhverfismennt Heiðarskóla og gengur út á að vigta matarleifar eftir morgun- og hádegismat. Nemendur í hverjum bekk fyrir sig vinna saman og er markmiðið að henda sem minnstum mat.

Nemendur í fjórða og tíunda bekk urðu sigurvegarar með 0 grömm! Frábær árangur!

Fimmtudagur, 14. desember 2017

Í gær var jólamorgunstund í Heiðarskóla. Foreldrar og börn sungu saman jólalög og gæddu sér á heitu súkkulaði og meðlæti við kertaljós. Fyrir jólamorgunstundina var foreldrum boðið á fróðlegt og gagnlegt erindi um áhrif samfélagsmiðla á sjálfsmynd unglinga. Við þökkum öllum sem áttu heimangengt kærlega fyrir komuna. Þetta var virkilega notaleg samverustund.

13 des

Fræðsluerindi og jólamorgunstund fyrir foreldra í Heiðarskóla

Föstudagur, 8. desember 2017

Nemendur í 10. bekk fóru á miðvikudaginn í sína árlegu jólatrésferð í Álfholtsskóg, krakkarnir tóku góðan göngutúr í skóginum í leit sinni að rétta trénu. Þegar það var fundið var hafist handa við að saga og koma á réttan stað. Jólatréð stendur nú vel skreytt í matsal skólans. Bjarni frá Skógræktarfélagi Skilmannahrepps tók vel á móti hópnum og bauð upp á heitan súkkulaðidrykk, kleinur og smákökur í lokin. Við þökkum kærlega fyrir góðar móttökur. 

  • Heiðarskóli
Föstudagur, 8. desember 2017

Í gær tók Heiðaskóli þátt í þjóðarsöngnum í tengslum við Dag íslenskrar tónlistar, þá áttu nemendur og starfsmenn saman notalega söngstund og sungu með íslensku þjóðinni þrjú vel valin lög; Líttu sérhvert sólarlag, Ef engill ég væri með vængi og Gefðu allt sem þú átt.

Föstudagur, 8. desember 2017

Fullveldishátíðin var haldin hátíðleg 30.nóvember s.l. og börnin voru stolt þegar þau sýndu atriðin sín fyrir troðfullu húsi. Veitingarnar stóðu undir væntingum að vanda, heitt súkkulaði, vöfflur með rjóma og piparkökur. Við þökkum öllum kærlega fyrir komuna og stuðninginn við Nemendafélag Heiðarskóla. Í myndaalbúm eru komnar skemmtilegar myndir frá Fullveldishátíð.

Föstudagur, 8. desember 2017

Vettvangsskoðun í tengslum við ytra mat fór fram í síðustu viku. Matsmennirnir Birna og Sigríður fylgdust með skólastarfinu í tvo daga, sátu kennslustundir og tóku rýni- og einstaklingsviðtöl. Birna og Sigríður höfðu orð á því að það hefði verið gaman að koma í Heiðarskóla.

Listasýning á Fullveldishátíð

Fullveldishátíð Heiðarskóla

Föstudagur, 24. nóvember 2017

Fimmtudaginn 30. nóvember í Heiðarskóla.

Sýningin hefst stundvíslega klukkan 17:15.

Formaður nemendafélagsins flytur ávarp.

Atriði frá Tónlistarskólanum á Akranesi.

Nemendur í 1. og 2. bekk ásamt elstu börnunum í Skýjaborg flytja söngatriðið Dýrin í Afríku. Nemendur á miðstigi sýna leikritið Samferða um ævintýrin.

Vöfflur, heitt súkkulaði, kaffi og piparkökur.

Sjoppan verður opin.

Pages