Heiðarskóli

Föstudagur, 30. maí 2014

Heyrðum aðeins í ferðalöngunum norður í landi, allt hefur gengið eins og í sögu og allir glaðir. Á leiðinni norður í gær, stoppaði hópurinn á Blönduósi og fór í sund. Ferðafólkið kom að félagsheimilinu Ljósheimum um klukkan 3 og þá var farið í klettasig, eftir það heimsótti hópurinn skotæfingasvæðið Ósmann. Í dag fór hópurinn í rafting í Jökulsá vestari, mikið vatn var í ánni og sérlega skemmtilegt fyrir vikið. Nú ætlar hópurinn að skreppa í  sund og síðan verður grillað að Ljósheimum í kvöld. Áætlað er að unglingarnir verði komnir heim í Heiðarskóla rétt fyrir heimkeyrslu á morgun.   

Hylurinn
Föstudagur, 30. maí 2014

Í dag, síðasta kennsludag skólaársins, var Íþróttadagur Heiðarskóla. Nemendur nutu sín í blíðskaparveðri við alls kyns íþróttaiðkun. Dagurinn endaði á töltkeppni en af þeirri hefð skólans erum við sérlega stolt. Níu knapar mættu til leiks og stóðu sig með miklum sóma. Það var með blendnum tilfinningum sem starfsfólkið kvaddi börnin í lok dags. Komnar myndir á myndasafnið.

Hjóladagur Heiðarskóla 2014

mánudagur, 2. júní 2014

Skólaslit Heiðarskóla verða haldin við hátíðlega athöfn á morgun klukkan 16:00 í sal skólans. Skólastjórinn, Jón Rúnar Hilmarsson, flytur ræðu, veittar verða viðurkenningar, tónlistaratriði og nemendur 10. bekkjar útskrifast. Eftir sameiginlega dagskrá fara nemendur með sínum umsjónar-kennurum í stofur og útskrifast. Foreldrar eru vinsamlegast beðnir um að fara vel yfir fatahólf sinna barna, óskilamuni og verkefni úr list- og verkgreinum. Kaffihlaðborð að lokinni athöfn. Allir hjartanlega velkomnir!

Sól og blíða
Kennari

Sími: 

4338525

Deild: 

Skólastjóri Heiðarskóla

Sími: 

4338525/8968158/8995156

Deild: 

Íþróttadagur 30. maí 2014

Íþróttadagur
Föstudagur, 4. apríl 2014

Það var mikið líf og fjör í skólanum í dag. Í morgun var einstaklega vel heppnuð danssýning. Krakkarnir sýndu hvað þeir hafa lært í danskennslunni undanfarnar vikur.  Við þökkum  öllum sem sáu sér fært að koma á sýninguna  fyrir komuna. Einnig viljum við þakka Jóhönnu Árnadóttur sérstaklega vel fyrir danskennsluna. Inn á myndasafnið eru komnar myndir frá danssýningunni.  Nú stendur yfir smiðjuhelgi og þessa stundina eru 6. – 10. bekkur að æfa fyrir Árshátíð skólans.

Þriðjudagur, 6. maí 2014

Í dag var haldið upp á Dag umhverfisins í Heiðarskóla.  Dagurinn hófst með umhverfisráðstefnu þar sem Katrín Magnúsdóttir frá Landvernd flutti erindi. Katrín fjallaði m.a. um Dag umhverfisins, grænfánann og hálendi Íslands. Katrín sýndi líka krökkunum á skemmtilegan hátt hvað það land sem við getum nýtt er í raun lítill hluti af stærð jarðarinnar. Umhverfisnefnd skólans var einnig með innlegg um plastmengun í heiminum. Í kjölfarið hvatti nefndin alla til að draga úr plastpokanotkun  m.a. með því að taka þátt í plastpokalausum laugardögum.

Pages