Heiðarskóli

Fimmtudagur, 11. janúar 2018

Vegna slæmrar veðurspár flýtum við heimkeyrslu í dag. Skólabílarnir fara frá Heiðarskóla kl. 13:00. Frístund fellur niður í dag fimmtudaginn 11. janúar. 

Miðvikudagur, 20. desember 2017

Nú eru starfsmenn og nemendur skólans komnir í jólafrí. Skólastarfið hefst aftur með skipulagsdegi starfsmanna fimmtudaginn 4. janúar. Fyrsti skóladagur nemenda á nýju ári er föstudagurinn 5. janúar 2018. Þá hefst jafnframt skólaakstur. 

Miðvikudagur, 20. desember 2017

Við sendum nemendum, fjölskyldum þeirra og landsmönnum öllum okkar bestu óskir um gleðileg jól og farsælt komandi ár með þakklæti fyrir samstarfið á árinu sem er að líða. 

Starfsfólk Heiðarskóla

  • Heiðarskóli
Miðvikudagur, 20. desember 2017

Í dag voru litlu jólin haldin hátíðleg í Heiðarskóla, nemendur og starfsmenn sungu jólalög og gengu í kringum jólatréð. Jólasveinar mættu í heimsókn og haldin voru stofujól. Að lokum var snæddur hátíðarmatur, hangikjöt með tilheyrandi. Í eftirrétt var íslblóm og möndluleikur. Þrír heppnir nemendur hlutu möndluna, sem var reyndar brjóstsykur. Það voru þau Fylkir Leó Björnsson, Stefanía Katrín Sveinsdóttir og Emiliano Elvar Gutierres. Við óskum þeim til hamingju. 

Litlu jólin

Póstkassar og hurðaskreytingar

  • Heiðarskóli
Fimmtudagur, 14. desember 2017

Dagana 4.-8. desember s.l. var matarvigtunar vika hjá okkur í Heiðarskóla. Þetta er árlegur atburður í umhverfismennt Heiðarskóla og gengur út á að vigta matarleifar eftir morgun- og hádegismat. Nemendur í hverjum bekk fyrir sig vinna saman og er markmiðið að henda sem minnstum mat.

Nemendur í fjórða og tíunda bekk urðu sigurvegarar með 0 grömm! Frábær árangur!

Fimmtudagur, 14. desember 2017

Í gær var jólamorgunstund í Heiðarskóla. Foreldrar og börn sungu saman jólalög og gæddu sér á heitu súkkulaði og meðlæti við kertaljós. Fyrir jólamorgunstundina var foreldrum boðið á fróðlegt og gagnlegt erindi um áhrif samfélagsmiðla á sjálfsmynd unglinga. Við þökkum öllum sem áttu heimangengt kærlega fyrir komuna. Þetta var virkilega notaleg samverustund.

13 des

Fræðsluerindi og jólamorgunstund fyrir foreldra í Heiðarskóla

Föstudagur, 8. desember 2017

Nemendur í 10. bekk fóru á miðvikudaginn í sína árlegu jólatrésferð í Álfholtsskóg, krakkarnir tóku góðan göngutúr í skóginum í leit sinni að rétta trénu. Þegar það var fundið var hafist handa við að saga og koma á réttan stað. Jólatréð stendur nú vel skreytt í matsal skólans. Bjarni frá Skógræktarfélagi Skilmannahrepps tók vel á móti hópnum og bauð upp á heitan súkkulaðidrykk, kleinur og smákökur í lokin. Við þökkum kærlega fyrir góðar móttökur. 

Pages