Heiðarskóli

  • Heiðarskóli
Föstudagur, 8. desember 2017

Í gær tók Heiðaskóli þátt í þjóðarsöngnum í tengslum við Dag íslenskrar tónlistar, þá áttu nemendur og starfsmenn saman notalega söngstund og sungu með íslensku þjóðinni þrjú vel valin lög; Líttu sérhvert sólarlag, Ef engill ég væri með vængi og Gefðu allt sem þú átt.

Föstudagur, 8. desember 2017

Fullveldishátíðin var haldin hátíðleg 30.nóvember s.l. og börnin voru stolt þegar þau sýndu atriðin sín fyrir troðfullu húsi. Veitingarnar stóðu undir væntingum að vanda, heitt súkkulaði, vöfflur með rjóma og piparkökur. Við þökkum öllum kærlega fyrir komuna og stuðninginn við Nemendafélag Heiðarskóla. Í myndaalbúm eru komnar skemmtilegar myndir frá Fullveldishátíð.

Föstudagur, 8. desember 2017

Vettvangsskoðun í tengslum við ytra mat fór fram í síðustu viku. Matsmennirnir Birna og Sigríður fylgdust með skólastarfinu í tvo daga, sátu kennslustundir og tóku rýni- og einstaklingsviðtöl. Birna og Sigríður höfðu orð á því að það hefði verið gaman að koma í Heiðarskóla.

Listasýning á Fullveldishátíð

Fullveldishátíð Heiðarskóla

Föstudagur, 24. nóvember 2017

Fimmtudaginn 30. nóvember í Heiðarskóla.

Sýningin hefst stundvíslega klukkan 17:15.

Formaður nemendafélagsins flytur ávarp.

Atriði frá Tónlistarskólanum á Akranesi.

Nemendur í 1. og 2. bekk ásamt elstu börnunum í Skýjaborg flytja söngatriðið Dýrin í Afríku. Nemendur á miðstigi sýna leikritið Samferða um ævintýrin.

Vöfflur, heitt súkkulaði, kaffi og piparkökur.

Sjoppan verður opin.

Föstudagur, 24. nóvember 2017

Morgunsöngur er í Heiðarskóla á u.þ.b. tveggja vikna fresti. Morgunsöngurinn hefur mælst vel fyrir og okkur er stöðugt að fara fram í söngnum. Stigin skiptast á að velja lögin. Yngsta stigið valdi lögin sem sungin voru í gær. Það voru lögin Ljúft að vera til, Á íslensku má alltaf finna svar og Hafið bláa hafið. Dagur íslenskrar tónlistar verður þann 7. desember n.k. Þá tekur Heiðarskóli þátt í svokölluðum Þjóðarsöng þegar þremur lögum verður útvarpað kl. 11:05 á Rás 1, Rás 2 og Bylgjunni. Þjóðin er hvött til taka hlé frá námi, vinnu eða annarri iðju og syngja saman.

  • Heiðarskóli
Þriðjudagur, 21. nóvember 2017

Nú á haustönn verður unnið að svokölluðu ytra mati á Heiðarskóla. Það felst meðal annars í því að matsaðilar frá Menntamálastofnun munu dvelja í skólanum dagana 28. og 29. nóvember n.k. og fara í vettvangsskoðanir í kennslustundir hjá öllum nemendum. Einnig taka þeir rýniviðtöl við ýmsa hópa; starfsmenn, foreldra, nemendur og fulltrúa úr skólaráði.

Föstudagur, 17. nóvember 2017

Í dag fengum við góðan gest í heimsókn. Ævar Þór Benediktsson, leikari og rithöfundur, kom og las upp úr nýrri bók sinni  "Þitt eigið ævintýri". 

Fimmtudagur, 16. nóvember 2017

Dagur íslenskrar tungu var í dag og af því tilefni var stöðvavinna í fyrsta tíma. Nemendum skólans var skipt í aldursblandaða hópa sem leystu fjölbreyttar þrautir hér og þar í skólanum. Í myndaalbúm eru komnar myndir.  

Pages