Heiðarskóli

Góðir gestir frá Klébergsskóla

  • Heiðarskóli
Þriðjudagur, 23. maí 2017

Í dag fór skólastarfið fram í Álfholtsskógi á svokölluðum survivordegi. Nemendum skólans var skipt í 8 aldursblandaða hópa. Hver hópur valdi sér nafn; Lóan, Sveppirnir 17, Álfurinn Jónas, Maríubjöllur, Hrafnarnir og Sniglarnir. Krakkarnir reistu skýli í skóginum, hlóðu eldstæði og grilluðu pylsur, útbjuggu listaverk, leiki, leikföng og leikrit en fyrst og fremst nutu þeir þess að vera úti í góða veðrinu með vinum sínum við leik og störf. Í myndaalbúm eru komnar fullt af myndum sem teknar voru í skóginum í dag. 

Survivor 2017

mánudagur, 22. maí 2017

Nemendum okkar í 3. og 4. bekk var á dögunum boðið að koma í heimsókn að Leirárgörðum. Börnin hjóluðu í dag frá skólanum að Leirárgörðum, þar kíktu þau í fjárhúsin, fengu að skoða lömbin og jafnvel halda á þeim og þiggja veitingar gestgjafanna. Við þökkum kærlega fyrir okkur. Börnin skemmtu sér vel eins og sjá má á myndum sem komnar eru í myndaalbúm. 

Heimboð að Leirárgörðum

sunnudagur, 21. maí 2017

Í vetur bauð Nemendaráð skólans foreldrum að kaupa skólapeysur með nafni barns og nafni skólans. Mikill áhugi var fyrir peysukaupunum og voru keyptar yfir 100 peysur. Það voru ánægð og þakklát börn sem tóku við peysunum sínum fyrir stuttu. Á mynd sem fylgir fréttinni má sjá börnin í 3. og 4. bekk ásamt kennurunum sínum í nýju skólapeysunum. Myndin var tekin á föstudaginn í blíðskaparveðri. Góða veðrið hefur sett mark sitt á skólastarfið undanfarna daga, mikið um útivist og margir hafa svipt sig úr skóm og sokkum vaðið í Tannakotslæknum. 

Þriðjudagur, 16. maí 2017

Hópurinn okkar sem staddur er í Bretlandi sendi okkur þessa mynd sem tekin var í skóginum í dag. Dagurinn var frábær, krakkarnir byggðu skýli, kveiktu eld og elduðu hádegismatinn. Hins vegar voru allir mjög sáttir að komast á hótel í Brighton í sturtu og hrein föt eftir að hafa sofið í tjaldi í nótt. Á eftir fer hópurinn í skoðunarferð og kvöldmat á góðum stað. Við máttum til með að birta mynd af hópnum sem tekin var í skóginum í dag. Virðist svo gaman hjá krökkunum. 

 

Þriðjudagur, 16. maí 2017

Nemendur okkar í 9. og 10. bekk eru nú í náms- og skemmtiferð í Bretlandi, hópurinn fór af landi brott aðfaranótt mánudags og er væntanlegur aftur til landsins á föstudagskvöldið. Í gær mættu nemendurnir í Wilderness Wood í útinám og krakkarnir gistu í tjöldum í nótt. Þeir keyptu inn mat og elduðu sjálfir í skóginum. Í dag dvelja krakkarnir í skóginum í verkefnum en fara síðan til Brighton. Skemmtileg dagskrá er framundan hjá krökkunum, m.a. strandblak, skemmtigarður og skoðunarferð í Arundel kastalann.  

Skólatónleikar Tónlistarskólans á Akranesi

Ungir kenna yngri

Pages