Fréttir af Skýjaborg

Börn og starfsfólk fögnuðu saman fyrir 17.júní, svaka stuð.

Í morgun var haldin brunaæfing í skýjaborg og börnin stóðu sig frábærlega. Jens Heiðar Ragnarsson slökkvuliðsstjóri kom og var okkur innan handar á meðan á æfingu stóð.

Fimmudaginn fyrir viku síðan var árlegi hjóladagurinn okkar í leikskólanum. Börnin fá að koma í leikskólann með sitt eigið hjól og nota það yfir daginn. Æðislegur dagur í alla staði og börnin svo ánægð og glöð.

Á þriðjudaginn fór útskriftarhópurinn okkar í útskriftarferðina sína á Akranes. Þau fóru á slökkvuliðsstöðina í skoðunarferð/fræðslu, bókasafnið, fengu hamborgara á galito og enduðu ferðina á Langasandinum, æðisleg ferð og allir glaðir.

Þann 18. maí héldum við í Skýjaborg upp á Dag umhverfisins. Allir skelltu sér út að plokka í nærumhverfinu. Góður dagur í frábæru veðri.

Elsti árgangurinn var útskrifaður með formlegri athöfn fimmtudaginn 14. maí, en með breyttu sniði þetta árið v/COVID-19 og gátu foreldra því ekki verið viðstaddir. Útskriftarbörnin fengu birkiplöntu að gjöf frá leikskólanum. Útskriftardagurinn var yndislegur það var hátíðarmatur í hádeginu og svo eftir útskriftina fékk hópurinn möffinskökur, allir ánægðir með daginn.

Það var viðburðarík vika hjá okkur í Skýjaborg í síðustu viku. Bolludagur var á mánudaginn með fiskibollum, rjómabollum. Mörg börnin útbjuggu bolluvönd. Sprengidagur var á þriðjudaginn með saltkjöti og baunasúpu. Öskudagur var á miðvikudaginn þar sem allir mættu í náttfötum eða búningi. "Poppið" var slegin úr tunnunni, haldið var ball, borðað popp og fleira skemmtilegt. Það var ekki annað að sjá en að allir skemmtu sér vel þennan dag.

Á konudaginn er hefð fyrir því að bjóða öllum konum í lífi barnanna í morgunkaffi og ekki var breyting þar á nú í ár. Mæting var góð og mátti sjá mömmur, ömmur og börn eiga góðir stundir saman í leik og spjalli. Við þökkum öllum kærlega fyrir komuna.

Í janúar/febrúar ár hvert útbúa börnin á regnboganum fuglafóður og gefa út. Það hefur svo sannarlega verið þörf á því núna þar sem óvenju snjóþungt hefur verið. Fuglarnir hafa látið sjá sig og borðað vel. Við hvetjum fólk til að gefa smáfuglunum einnig heima!