Lausar stöður kennara á næsta skólaári

Heiðarskóli auglýsir eftir metnaðarfullum kennurum sem eru reiðubúnir að leggja sig fram við að mæta þörfum allra barna í góðu samstarfi við samstarfsfólk og foreldra. Um tímabundna ráðningu er að ræða frá 1. ágúst 2023 – 31. júlí 2024.

Kennslugreinar eru:

• 100% staða list- og verkgreinar; myndmennt, smíði og tónmennt.
• 100% staða umsjónarkennari; almenn kennsla í teymi á yngsta stigi.

Menntunar og hæfniskröfur 

• Leyfisbréf til kennslu.
• Reynsla af teymiskennslu og fjölbreyttum kennsluháttum æskileg. 
• Hæfni til að skipuleggja nám í fjölbreyttum nemendahópi þar sem allir fá að njóta sín á eigin forsendum. 
• Lipurð í samskiptum, jákvæðni og sveigjanleiki í starfi.
• Færni í samvinnu og teymisvinnu. 
• Góð íslenskukunnátta. 

Nánari upplýsingar um störfin veitir Sigríður Lára Guðmundsdóttir skólastjóri í síma 433 8525. Umsóknarfrestur er til og með 18. maí og skal senda umsóknir ásamt starfsferilskrá í tölvupósti á netfang skólastjóra; sigridur.gudmundsdottir@hvalfjardarsveit.is. Öllum umsóknum verður svarað. Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Skólinn er starfræktur á tveimur starfsstöðvum í sveitarfélaginu, Heiðarskóli við Leirá við Skarðsheiði og Skýjaborg í Melahverfi. Gildi skólans eru vellíðan – virðing – metnaður – samvinna. Skólinn er grænfánaskóli og leggur áherslu á umhverfismennt og útinám. Unnið er með byrjendalæsi. Á leikskólasviðinu, Skýjaborg, dvelja um 40 börn á aldrinum 1-6 ára. Á grunnskólasviðinu, Heiðarskóla, eru um 90 nemendur.