Grænfáninn

Skýjaborg er Grænfánaskóli 

Grænfáninn hefur það hlutverk að leiða skóla í faglegri og árangursríkri vinnu með sjálfbærni í víðum skilningi að leiðarljósi. Það er gert í sterkum tengslum við áherslur aðalnámskrár leik-, grunn- og framhaldsskóla og Heimsmarkmið Sameinuðu þjóðanna um sjálfbæra þróun.

Sjá nánar um verkefnið hér á heimasíðu grænfánans. 

Sýjaborg flaggaði sínum fyrsta Grænfána 2010, öðrum 2012, þriðja 2014, fjórða 2017 (en tekin voru þrjú ár á milli þriðja og fjórða grænfánans að ósk Landverndar til að samtilla grænfánaafhendingu Skýjaborgar og Heiðarskóla), fimmta 2019, sjötta 2021 og sjöunda 2023. Leikskólinn Skýjaborg hefur sett sér umhverfissáttmála sem má skoða hér: Umhverfissáttmáli Skýjaborgar. 

Í Skýjaborg eru börn í elsta árgangi í umhverfisnefnd ásamt sínum kennara og leikskólastjóra. Áhersla er á að hlusta á viðhorf, skoðanir og hugmyndir barnanna. Á fundum er farið vel yfir hlutverk umhverfisnefndarinnar, Grænfánaverkefnið og er reynt að vekja ábyrgðarkennd barnanna fyrir nánasta umhverfi okkar. Fundirnir eru misformlegir eftir viðfangsefnum fundanna. Stundum er fundurinn hefðbundinn, þar sem setið er við borð eða í hring og spjallað um ákveðið viðfangsefni en stundum er viðfangsefnið þannig að það er gert í verki og rætt við börnin á meðan unnið er að ákveðnu umhverfisverkefni. Umhverfismennt og náttúruvernd rennur eins og rauður þráður í gegnum allt starf í skólanum og er hugað að umhverfinu í öllu skipulagi.

Umhverfisnefnd fullorðinna samanstendur af öllu starfsfólki leikskólans og fundar það 2-3 sinnum á ári. 

Hér til hliðar má finna fundargerðir umhverfisnefndanna, ásamt upplýsingar um þróunarverkefni sem leikskólinn hefur unnið í tengslum við umhverfismennt.

Hér fyrir neðan má finna grænfánaskýrslurnar: 

Skýrsla grænfánaverkefnis 2023

Skýrsla grænfánaverkefnis 2021

Skýrsla grænfánaverkefnis 2019

Skýrsla grænfánaverkefnis 2017 

Skýrsla grænfánaverkefnis  2014

Umsókn um endurnýjun 2012