Nemendafélag

Nemendafélag Heiðarskóla

Í lögum um grunnskóla er kveðið á um, að við hvern skóla skuli starfa nemendafélag. Nemendafélag hvers skóla setur sér starfsreglur, m.a. um kosningu í stjórn félagsins og kosningu fulltrúa í skólaráð.

Nemendafélag vinnur m.a. að félags-, hagsmuna- og velferðarmálum nemenda og skal skólastjóri sjá til þess að félagið fái aðstoð eftir þörfum.

Við Heiðarskóla starfar nemendafélag. Hlutverk þess er að vinna að félags-, hagsmuna- og velferðarmálum nemenda og koma skoðunum nemenda á framfæri við stjórnendur. Nemendafélagið hefur forgöngu um að vinna góðum málum framgang.

Nemendafélag Heiðarskóla 2024 - 2025

Fulltrúar 10. bekkjar: Páll og Oddur

Fulltrúar 9. bekkjar: Díana og Veronika

Fulltrúar 8. bekkjar: Einar Ási og Valgarður

Fulltrúi 7. bekkjar: Haraldur

Fulltrúi 6. bekkjar: Helgi

Fulltrúi 5. bekkjar: Lúkas og Arnþór

Starfsreglur Nemendafélags Heiðarskóla

Í Nemendafélagi Heiðarskóla eru 9 fulltrúar nemenda skólaárið 2024 - 2025.

Nemendafélagið fundar að öllu jöfnu einu sinni í mánuði.

Í Nemendafélagi Heiðarskóla sitja fulltrúar úr unglingadeild, að öllu jöfnu tveir úr hverjum bekk og einn fulltrúi úr hverjum bekk á miðstigi. Þetta skólaár er gerð undantekning og 2 fulltrúar sitja fyrir 5. bekk. Allir nemendur í 5. – 10. bekk geta boðið sig fram í Nemendafélagið. Ef fleiri en einn í hverjum bekk á miðstigi bjóða sig fram er kosið og sá sem fær flest atkvæði er kjörinn. Ef fleiri en tveir úr hverjum bekk á unglingastigi bjóða sig fram er kosið og þeir tveir sem fá flest atkvæði eru kjörnir fulltrúar. Mælt er með að þeir sem bjóða sig fram skrifi nafnlausa framboðsræðu og skili til kennara sem les upp og kosið sé um stefnumál frambjóðenda.

Fundargerðir 2024 - 2025:

11. nóvember

30. september

Fundargerðir 2023 - 2024:

Fundargerðir 2022 - 2023:

Fundur 22.09.22

Fundur 24.10.22

Fundur 13.02.23