Grænfáninn
Grænfáninn
Grænfáninn er umhverfismerki sem nýtur virðingar víða í Evrópu sem tákn um árangursríka fræðslu og umhverfisstefnu í skólum.
Skólinn fékk Grænfánann í fyrsta skipti 2009 og í sjötta sinn vorið 2017. Sem leið að því markmiði tekur skólinn þátt í verkefninu Skólar á grænni grein. Verkefnið sem er á vegum Landverndar er alþjóðlegt og er ætlað að auka umhverfismennt og styrkja umhverfisstefnu í skólum. Þeir skólar sem vilja komast á græna grein leitast við að stíga skrefin sjö. Skrefin sjö eru ákveðin verkefni sem efla vitund nemenda, kennara og annarra starfsmanna skólans um umhverfismál. Þegar því marki er náð fá skólarnir leyfi til að flagga Grænfánanum næstu tvö ár en sú viðurkenning fæst endurnýjuð ef skólarnir halda áfram góðu starfi. Markmið verkefnisins eru:
- Bæta umhverfi skólans, minnka úrgang og notkun á vatni og orku.
- Efla samfélagskennd innan skólans.
- Auka umhverfisvitund með menntun og verkefnum innan kennslustofu og utan.
- Styrkja lýðræðisleg vinnubrögð við stjórnun skólans þegar teknar eru ákvarðanir sem varða nemendur.
- Veita nemendum menntun og færni til að takast á við umhverfismál.
- Efla alþjóðlega samkennd og tungumálakunnáttu.
- Tengja skólann við samfélag sitt, fyrirtæki og almenning.
Sjá nánar um Grænfánaverkefni Landverndar á vefsíðunni www.landvernd.is
Umhverfisnefnd 2019 - 2020
Í skólanum starfar umhverfisnefnd með nemendum úr öllum bekkjum og starfsmönnum. Við fundum einu sinni í mánuði og tökum fyrir nokkur ákveðin verkefni á hverju ári. Meðal annað rafmagnssparnaðarviku og að gefa út umhverfisblað.
Skólaárið 2019-2020 eru eftirtaldir aðilar í umhverfisnefnd: 
Fulltrúar nemenda: Bjarndís 1.b., Guðrún Birna 2. b, Brynja María 3.b., Margrét Lára 4.b., Tinna 5.b., Mattías 6.b., Viktoría 7.b., Rakel Sunna 8.b., Ísabella Sól 9.b. og Fanney 10.b.
Fulltrúar starfsfólks: Helena (formaður), Sigga Lára, Sigga K. og Þórdís Þórisdóttir