Heiðarskóli hlýtur grænfánann í fimmta sinn

Heiðarskóli sótti um grænfánn í fimmta sinn í lok apríl. Á skólaslitum þann 31. maí kom svo í ljós að Heiðarskóli hlaut grænfánann í fimmta sinn. Fulltrúi Landverndar, Caitlin Wilson, afhenti umhverfisnefnd skólans grænfánaskilti og viðurkenningarskjal. 

Skólar á grænni grein er alþjóðlegt verkefni sem hefur það að markmiði að að auka umhverfismennt og styrkja menntun til sjálfbærni í skólum. Skólar ganga í gegnum sjö skref í átt að aukinni umhverfisvitund og sjálfbærni. Þegar því marki er náð fá skólarnir að flagga Grænfánanum til tveggja ára og fæst sú viðurkenning endurnýjuð ef skólarnir halda áfram góðu starfi.

Grænfáninn er umhverfisviðurkenning sem nýtur virðingar víða í Evrópu sem tákn um árangursríka fræðslu og umhverfisstefnu í skólum.