UNICEF-Hreyfingin

Heiðarskóli tók þátt í UNICEF-Hreyfingunni. Við fengum eftirfarandi þakkarpóst:

Takk kærlega fyrir samstarfið í ár og takk kærlega fyrir þátttöku ykkar í UNICEF-Hreyfingunni í ár! 

Ykkar framlög munu nýtast UNICEF víðsvegar um heiminn. Við viljum nýta tækifærið og deila með ykkur dæmum um hvað hægt er að gera fyrir upphæðina sem safnaðist! Alls söfnuðust 44.900 krónur. 

Með ykkar áheitum í ár er til dæmis hægt að útvega 

• 900 skammta af plumpy-nut, vítamínbættu jarðhnetumauki. Með þeim er hægt gera kraftaverk fyrir vannærð börn en í flestum tilfellum þurfa börn einungis þrjá skammta á dag í nokkrar vikur til þess að ná fullum bata.
• 86.000 vatnshreinsitöflur sem hreinsa um það bil 400.000 lítra af vatni. Fisléttar og byltingarkenndar vatnshreinsitöflur sem á örskotsstund breyta óhreinu og sýktu vatni í drykkjarhæft vatn.
• Yfir 5.100 malaríutöflur! Malaría leggst á alla aldurshópa en börn yngri en fimm ára eru viðkvæmasti hópurin. Árið 2019 dóu 274.000 börn yngri en fimm ára vegna malaríu, um það bil 2/3 allra dauðsfalla vegna sjúkdómsins.  

Þetta er vitaskuld bara dæmi um það sem að upphæðin getur gert en ég vona að þetta sýni hve miklu er hægt að koma í verk fyrir ykkar frábæru söfnun. 

Bestu kveðjur, Guðmundur Ingi Gunnarsson, UNICEF á Íslandi