Dagur umhverfisins

Dagur umhverfisins er haldinn hátíðlegur 25. apríl ár hvert. Við í Skýjaborg létum okkur ekki vanta og fóru Regnbogakrakkarnir galvaskir út að tína rusl síðastliðinn föstudag, þar sem þau hreinsuðu nærumhverfi leikskólans.

Þegar aftur var komið í leikskólann flokkuðu börnin ruslið og hentu því í viðeigandi tunnur. Krakkarnir voru virkilega samviskusamir og áttu góðar umræður um mikilvægi þess að hugsa vel um umhverfið okkar.