Heimsókn frá Skyrgámi

Í dag héldum við skemmtilegt jólaball í leikskólanum og vorum svo heppin að hann Skyrgámur var einmitt á ferð í nágrenninu og kíkti í heimsókn. Það gekk heldur brösulega hjá honum að komast inn en börnin hjálpuðu honum að finna dyrnar og fékk hann að dansa með okkur í kringum jólatréð, sagði okkur skemmtilegar sögur og gaf öllum mandarínu úr pokanum sínum.  Síðan borðuðum við dásamlegan jólamat  og áttum góðan dag saman.