Árshátíð Heiðarskóla

Við þökkum öllum kærlega fyrir komuna á Árshátíð Heiðarskóla sem haldin var síðdegis í dag.

Hátíðin hófst á vinningsatriði hæfileikakeppninnar þar sem þær Þórdís Ásta og Katrín Líf spiluðu lagið Over the Rain Bow á flygil.

Nemendur í 3. og 4. bekk sungu Geimlagið en þeir hafa undanfarið verið að læra um sólkerfið og kafað ofan í leyndardóma alheimsins.

Nemendur á miðstigi fluttu leikþáttinn Skólaskaup þar sem góðlátlegt grín var gert að starfsfólki skólans og allt samið af nemendunum sjálfum.

Eftir sýningu var árshátíðarhlaðborðið á sýnum stað í boði foreldra í 6. – 10. bekk.

Að lokum var dregið út í spilahappdrætti.

Fyrir hönd Nemendafélags Heiðarskóla þökkum við öllum nemendum fyrir þátttökuna, gestum fyrir komuna og stuðninginn en allur ágóði sýningarinnar rennur í ferðasjóð Nemendafélagsins.