Áskorun og kökur frá Foreldrafélaginu

Fyrr í vetur fengu starfsmenn skólans áskorun frá Foreldrafélagi Leik- og grunnskóla Hvalfjarðarsveitar um að gera eitthvað skemmtilegt fyrir börnin í desember þar sem viðburðir á þeirra vegum voru ekki framkvæmanlegir. Starfsfólkið tók áskoruninni og tekin voru upp tvö myndbönd með söng og sprelli. Myndböndin voru síðan sýnd í dag og Foreldrafélagið færði okkur kökur. Kökurnar voru fallega skreyttar og kveðja til hvers námshóps; Gleðileg jól, elsku snillingar á yngsta stigi. Það var mikil gleði og gaman þegar nemendur snæddu kökur og horfðu á atriðin frá starfsfólki. Á meðfylgjandi mynd má sjá kökurnar góðu og fyrir áhugasama má sjá annað af tveimur myndböndum á slóðinni:

https://www.youtube.com/watch?fbclid=IwAR1s75cD8X9cxc6xGWVUEy-7WTiFaUr0mvWya9HQZ_g4alIhGOlx3JRz17o&v=srUAtnHrh98&feature=youtu.be