Dagur umhverfisins í Skýjaborg

Þann 23. apríl héldum við upp á Dag umhverfisins hér í Skýjaborg. Börn og starfsfólk fóru út og hreinsuðu til í nærumhverfinu með því að tína rusl. Öll voru áhugasöm og dugleg. Var ruslið síðan flokkað og hent í viðeigandi ruslatunnur. Ánægja var að hverfið okkar er frekar hreint en nokkuð mikið var um nikótínpúða. Okkur þykir miður að fólk skuli henda slíkum púðum út í náttúruna sem geta verið stórhættulegir ungum börnum og dýrum.