Geðlestin

Í gær mætti Geðlestin til okkar í Heiðarskóla. Geðlestin er geðfræðsla fyrir nemendur í efri bekkjum grunnskóla og framhaldsskóla sem byggir á þeirri staðreynd að við búum öll við geð rétt eins og við erum með hjarta. Á lífsleiðinni er mjög líklegt að við lendum í mótvind og þurfum jafnvel að leita okkur aðstoðar. Öflug geðrækt frá unga aldri út lífið er besta ráðið til að takast á við þær áskoranir sem lífið færir okkur. Geðlestin er samstarfsverkefni Geðhjálpar og Hjálparsíma Rauða krossins 1717. Verkefnið er styrkt af félagsmála- og heilbrigðisráðuneytunum. Eftir fræðsluna hélt Emmsé Gauti örtónleika fyrir alla nemendur skólans, tónleikarnir vöktu mikla lukku. Við þökkum Geðlestinni og Emmsé Gauta kærlega fyrir komuna og gagnlega og skemmtilega heimsókn.