Góð kartöfluuppskera hjá nemendum í Heiðarskóla

Nemendur í Heiðarskóla taka ár hvert upp kartöflur. Í ár voru það nemendur á yngsta stigi sem tóku upp kartöflurnar með aðstoð starfsmanna skólans.

Uppskeran reyndist afar góð og verða kartöflurnar nýttar í mötuneyti skólans. Þar verða þær eldaðar og bornar fram fyrir alla nemendur og starfsfólk á komandi vikum.

Verkefnið er hluti af skólastarfinu og gefur nemendum tækifæri til að kynnast ræktun og uppskeru matvæla á praktískan og skemmtilegan hátt.