Gróðursetningardagur í Heiðarskóla

Í dag var gróðursetningardagur í Heiðarskóla. Nemendur settu niður kartöflur og gróðursettu bæði birki og grenitré úr uppeldisreit. Að vanda fengum við okkur til aðstoðar Eyjólf í Hlíð sem sá um að undirbúa jarðveginn fyrir gróðursetninguna og vera með réttu tækin og tólin. Óhætt er að segja að nemendur og starfsmenn hafi unnið gott starf í dag með dyggri og ómetanlegri aðstoð Eyfa sem sá um að allt gengi snurðulaust fyrir sig. Við færum honum bestu þakkir fyrir aðstoðina í dag. Á meðfylgjandi mynd má sjá nemendur í 1. og 2. bekk setja niður kartöfluútsæði.