Jólastöðvar

Á fimmtudaginn var nemendum Heiðarskóla boðið upp á jólaföndurstöðvar. Nemendur gátu valið á milli átta stöðva og þeir máttu ráða hvar og hversu lengi þeir dvöldu á hverri stöð. Margir voru mjög virkir og fóru á allar stöðvarnar. Sameiginleg útivera var fyrir alla nemendur og þeir sem vildu máttu taka þátt í jólafótbolta þar sem unglingar kepptu á móti nemendum á yngsta- og miðstigi í æsispennandi leik.