Kvennaverkfall 2025

Á morgun, föstudag, þann 24. október, hafa á sjötta tug samtaka kvenna, launafólks og fleiri hagsmunahópa boðað til kvennaverkfalls. Í borginni fer fram söguganga kl. 13.30 sem lýkur með samstöðufundi á Arnarhóli.

Allar konur í Leik- og grunnskóla Hvalfjarðarsveitar hafa ákveðið að taka þátt í kvennaverkfallinu og leggja niður störf.

Af þeim sökum verður leikskólinn Skýjaborg lokaður, þar sem allir starfsmenn eru konur. Í Heiðarskóla fellur skólahald og skólaakstur niður, þeir þrír karlmenn sem verða við störf í húsinu munu sinna öðrum verkefnum.