Skólasamstarfið

Rósahópur, elsti árgangur barna í Skýjaborg, kom í sína fyrstu skólaheimsókn í Heiðarskóla í gær. Börnin fimm byrjuðu í íþróttasalnum í Heiðarborg hjá Sólrúnu kennara í skemmtilegum verkefnum. Síðan komu börnin í Heiðarskóla þar sem skólastjóri tók á móti þeim og sýndi þeim skólann. Á stöku stað urðu fagnaðarfundir þegar börnin hittu eldri systkini. Börnin fengu ávexti og áttu góða stund í leikstofunni í lok heimsóknar. Rósahópur kemur alls sex sinnum til okkar á haustönn og tekur m.a. annars þátt í Fullveldishátíðinni okkar sem haldin verður fimmtudaginn 28. nóvember.