Skólastarf í Heiðarskóla í hertum aðgerðum

Skólastarf Heiðarskóla verður með skertum hætti frá og með 3. nóvember og meðan á hertum aðgerðum stendur. Kennsla hefst kl. 8:10 og lýkur kl. 11:40. Nemendum verður skipt niður á ákveðin svæði og tryggt verður að hóparnir hittist ekki á skólatíma m.a. með aðgreindum inn og útgöngdyrum. Yngsta stig gengur inn og út um aðalinngang skólans, miðstig um brunaútgang á miðstigsgangi og unglingastig um brunaútgang á unglingastigi. 

Frístund verður opin frá kl. 11:40 – 15:30. Frístund er í boði fyrir börn í 1. – 4. bekk. Forráðamenn sem þurfa á þeirri þjónustu að halda og hafa ekki þegar skráð sitt barn í frístund þurfa að vera í sambandi við skólastjóra. Grímuskylda er hjá börnum í skólabílum í 5. – 10. bekk en börn í 1. – 4. bekk eru undanþegin grímuskyldu.