Skyndihjálparkynning Rauða krossins

Rauði kross Íslands er 90 ára um þessar mundir og af því tilefni býður hann öllum grunnskólanemendum landsins upp á skyndihjálparkynningu.  Í gær fengu nemendur Heiðarskóla kynningu í skyndihjálp frá þeim Gerðu Bjarnadóttur og Ingibjörgu Gunnarsdóttur. Þær sýndu nemendum myndband um skyndihjálp, minntu á neyðarnúmerið 112 og fyrstu viðbrögð í skyndihjálp. Sérstaklega var fjallað um  hjartahnoð, aðskotahlut í hálsi, blæðingu og bruna. Þær afhentu skólanum einnig veggspjald um fyrstu viðbrögð í skyndihjálp. Nemendur hlustuðu af athygli og fengu í lokin að æfa  hjartahnoð á dúkkum. Takk kærlega fyrir okkur. Komnar myndir á myndasafnið.