SumarGaman í júní

Undanfarna daga hefur verið mikið líf og fjör í SumarGaman sem að þessu sinni fór að mestu fram í Heiðarskóla.

Börnin hafa verið dugleg að leika saman og gera alls konar, m.a. farið í Borgarnes í sund og ísferð, nýtt umhverfið við Heiðarskóla inni og úti, smíðað, hoppað, grillað sykurpúða, vaðið í Leirá, leikið á skólalóðinni og borðað nesti á kaffistofu starfsmanna Heiðarskóla eins og sjá má á meðfylgjandi mynd.

Í dag var síðasti dagur SumarGamans í júní og hópurinn eyddi honum í skógræktinni á Akranesi þar sem m.a. var farið í alls kyns leiki, boðið upp á grillaða hamborgara og frostpinna. Ekki annað að sjá en allir væru að njóta.

SumarGaman er frístundastarf á vegum Hvalfjarðarsveitar fyrir börn í 1. – 4. bekk, 10 daga í júní eftir skólaslit og 10 daga í ágúst fyrir skólasetningu Heiðarskóla.