Survivordagur 2018

Survivordagurinn var haldinn í Álfholtsskógi s.l. þriðjudag. Veðrið var mjög fjölbreytt; snjókoma,slydda, rigning, sólskin, rok og logn en börnin létu það ekki á sig fá og stóðu sig með stakri prýði í skemmtilegum ratleik í skóginum. Börnin unnu saman í aldursblönduðum hópum og leystu þrautir og unnu verkefni sem tengdust lýðheilsu s.s. tannvernd, sköpun, hreyfingu, andlegri líðan, forvörnum, hvíld, samvinnu og næringu. Eftir ratleikinn voru grillaðir hamborgarar og í lokin sýndu hóparnir leikföng sem þeir höfðu hannað úr verðlausu efni. Leikföngin voru einstaklega frumleg og skemmtileg og vöktu mikla lukku. Í myndaalbúm eru komnar skemmtilegar myndir frá Survivordeginum.