Sveitaferð að Hvítanesi

Í gær fóru börnin í leikskólanum, 3 ára og eldri, í skemmtilega ferð að Hvítanesi. Farið var með rútu til og frá leikskólanum og ríkti mikil tilhlökkun hjá börnunum.

Bændurnir tóku einstaklega vel á móti okkur. Við kíktum í fjósið og sáum nautin og kálfana. Við fórum í fjárhúsið þar sem börnin fengu að halda á lambi ef þau vildu. Við kíktum inn í fuglahúsið þar sem bændur halda alls kyns tegundir af hænum, öndum og einnig kalkún. Við fengum að sjá litla hænu- og andarunga og öll fengu að halda á þeim sem vildu.

Við kíktum einnig í mjög svo skemmtilega ferð í fjöruna þar sem var margt að sjá. Það er mikið fuglalíf í fjörunni og hólmanum. Börnin sáu til að mynda sel spóka sig í fjörunni.

Í hádegismatinn grilluðum við pylsur og fengum djús og vatn að drekka.

Við þökkum kærlega fyrir góðar móttökur.