Þorrablót Heiðarskóla

Í dag héldum við Þorrablót Heiðarskóla við mikinn fögnuð. Stutt skemmtun var haldin í matsal skólans þar sem hvert og eitt stig sá um leiki og skemmtiatriði. Yngsta stigið söng skólarapp, miðstigið sá um hinn sívinsæla stólaleik og unglingastig var með alls kyns þrautaleiki. Á milli atriða var sungið og dansað. Eftir skemmtun var boðið upp á dýrindis Þorramat og voru nemendur hvattir til að smakka sem flestar tegundir og fylla út gátlista um það hvað hver og einn smakkaði. Á meðfylgjandi mynd má sjá nokkra nemendur á miðstigi sem ákváðu að smakka sem flestar tegundir.