Umhverfismennt - símaverkefni

Símaverkefnið okkar hefur gengið vel eins og sjá má á mynd sem fylgir fréttinni. Þó nokkuð margir símar hafa safnast sem annars hefðu legið heima engum til gagns. Í gömlum símum eru verðmæt efni sem má endurvinna og nýta í framleiðslu á nýjum símum. Þannig förum við vel með auðlindir jarðarinnar. Símaverkefnið verður í gangi einhvern tíma í viðbót svo enn er tækifæri til að losa sig við gamla síma. Við munum síðan sjá um að koma símunum í endurvinnslu.