Dýraþema á yngsta stigi

Í október unnu börnin í 1. - 4. bekk þemaverkefni um dýr. Föstudaginn 28. október héldu börnin kynningu á afrakstri vinnunnar. Börnin í 1. og 2. bekk sögðu frá húsdýrunum, sýndu dýrið sitt sem þau höfðu skapað úr trölladeigi og fóru með vísur eftir Hákon Aðalsteinsson. Börnin í 3. og 4. bekk unnu með dýrin í Afríku, þau sungu saman lagið um dýrin í Afríku. Hvert og eitt barn kynnti síðan sitt dýr sem það hafði valið sér og sýndi mynd sem það hafði teiknað. Börnin í 3. og 4. bekk settu sitt verkefni upp sem fræðibókartexta. Það er skemmst frá því að segja að kynningin tókst einstaklega vel, allir búnir að leggja á sig mikla vinnu og voru greinilega búnir að læra heilmikið um dýrið sitt. Í myndaalbúm eru komnar myndir frá kynningunni.