Miðstigsleikarnir í Borgarnesi

Nemendur miðstigsins fóru í Borgarnes í dag (fimmtudag) og kepptu í íþróttum á Skallagrímsvellinum ásamt fleiri skólum af Vesturlandi. Keppt var í knattspyrnu, kúluvarpi, langstökki, 60 m. hlaupi og 600 m. hlaupi. Það var blíðskaparveður í Borgarnesi, heiðskýrt og logn, og aðstæður eins og þær best gerast. Krakkarnir stóðu sig vel og höfðu gaman af því að etja kappi við nemendur hinna skólanna. Allir tóku þátt í einhverju og gerðu sitt besta sem oft dugði til að komast í verðlaunasæti þótt auðvitað hafi skemmtunin verið aðalmarkmið. Myndir frá mótinu eru komnar í myndasafn.