Nemendur í 8. bekk á Reykjum

Hefð er fyrir því að nemendur í 7. bekk fari í skólabúðir að Reykjum ár hvert en vegna Covid var það ekki mögulegt á síðasta skólaári. Nú eru nemendurnir komnir í 8. bekk og fengu loksins í vikunni að upplifa skólabúðirnar að Reykjum í Hrútafirði enda búnir að bíða lengi eftir því. Fengum eftirfarandi fréttir frá hópnum nú fyrir stuttu: 

Það gengur allt eins og í sögu hjá okkur. Leiðinda veður í gær en fínt í dag. Krakkarnir eru mjög duglegir og til í verkefnin og það þarf ekkert að minna á að mæta á réttum tíma í kennslustundir. Þeir eru líka mjög tilbúnir að kynnast krökkunum í hinum skólunum og margir hafa eignast nýja vini. 

Bestu kveðjur frá okkur öllum, 

Einar og 8. bekkur