Skólasamstarf

Í gær kom Skrímslahópur, elsti árgangur í Skýjaborg, í sína fyrstu heimsókn í Heiðarskóla. Hópurinn byrjaði í íþróttasalnum í Heiðarborg og gekk síðan í hávaðaroki yfir í Heiðarskóla þar sem skólastjóri tók á móti hópnum og sýndi þeim alls kyns króka og kima í skólanum. Einnig var kíkt í heimsóknir inn í kennslustundir og víða urðu fagnaðarfundir þegar börnin hittu systkini sín. Á meðfylgjandi mynd má sjá Skrímslahóp vera að skoða kæliklefann í mötuneyti Heiðarskóla. Fyrirhugað er að börnin mæti 5 sinnnum í viðbót á haustönn.