Skólasamstarf - nemendur í 3. bekk lesa fyrir leikskólabörn

Í morgun fóru nemendur í 3. bekk í heimsókn í Skýjaborg og lásu fyrir leikskólabörnin í tilefni af Degi íslenskrar tungu sem var í gær. Heiðarskólanemendur í fámennum hópum höfðu valið bók og æft sig fyrir upplesturinn. Börnum í Skýjaborg var einnig skipt í hópa og lesin var ein bók fyrir hvern hóp. Einhver hafði orð á því þegar börnin komu til baka að þetta hefði verið ótrúlega skemmtilegt og viðkomandi hefði viljað lesa fyrir fleiri hópa.