Laus staða umsjónarkennara á yngsta stigi

Heiðarskóli auglýsir eftir metnaðarfullum kennara sem er reiðubúinn að leggja sig fram við að mæta þörfum allra barna í góðu samstarfi við samstarfsfólk og foreldra.

Um er að ræða:

• 100% stöðu umsjónarkennara á yngsta stigi. Ráðningin er tímabundin frá 1. ágúst 2026 – 31. desember 2026, 81% í grunnskólanum Heiðarskóla og 19% í leikskólanum Skýjaborg.

Menntunar og hæfniskröfur 

• Leyfisbréf til kennslu.
• Reynsla af teymiskennslu og fjölbreyttum kennsluháttum æskileg. 
• Hæfni til að skipuleggja nám í fjölbreyttum nemendahópi þar sem allir fá að njóta sín á eigin forsendum. 
• Reynsla og menntun í byrjendalæsi.
• Reynsla af leikskólastarfi.
• Lipurð í samskiptum, jákvæðni og sveigjanleiki í starfi.
• Færni í samvinnu og teymisvinnu. 
• Góð íslenskukunnátta. 

Umsóknarfrestur er til og með 8. júní 2026.  

Nánari upplýsingar um starfið veitir  Sigríður Lára Guðmundsdóttir skólastjóri í síma 433 8525 eða 896 8158 eða með því að senda fyrirspurn á netfangið:  sigridur.gudmundsdottir@hvalfjardarsveit.is

Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags. 

Áhugasamir einstaklingar, án tillits til kyns, eru hvattir til að sækja um og skal umsókn ásamt starfsferilskrá send í tölvupósti á netfangið: sigridur.gudmundsdottir@hvalfjardarsveit.is

Leik- og grunnskóli Hvalfjarðarsveitar er starfræktur á tveimur starfsstöðvum í sveitarfélaginu; grunnskólinn Heiðarskóli er við Leirá við Skarðsheiði og leikskólinn Skýjaborg í Melahverfi. Gildi skólans eru vellíðan, virðing, metnaður og samvinna. Skólinn er grænfánaskóli og leggur áherslu á umhverfismennt og útinám. Unnið er með byrjendalæsi. Á leikskólasviðinu, Skýjaborg, dvelja um 40 börn á aldrinum 1- 6 ára. Á grunnskólasviðinu, Heiðarskóla, eru um 90 nemendur í 1. – 10. bekk. 

Heimasíða skólans er: https://skoli.hvalfjardarsveit.is/