Leikskólinn Skýjaborg auglýsir lausar stöður við sumarafleysingar frá vori 2026

Óskað er eftir glöðum og jákvæðum leikskólakennurum / starfsfólki í sumarafleysingar í leikskólanum Skýjaborg Hvalfjarðarsveit. Ráðning er annars vegar frá 7. apríl, hins vegar 15. apríl og/eða í maí og fram í miðjan júlí eða út ágúst. Leikskólinn er lokaður 10. júlí til og með 7. ágúst.

Skýjaborg er tveggja deilda leikskóli í Melahverfi í Hvalfjarðarsveit. Við erum í því spennandi verkefni að stækka við okkur og erum að opna auka leikrými í færanlegu húsnæði á leikskólalóðinni og með því fjölga börnum. Í Skýjaborg er lögð áhersla á umhverfismennt, útinám, snemmtæka íhlutun í máli og læsi og sjálfsprottinn leik. Skólinn er grænfánaskóli og gildi skólans eru: Vellíðan, virðing, metnaður og samvinna.

Í Skýjaborg gefst tækifæri til að takast á við fjölbreytt og skemmtileg verkefni sem tengjast þróun leikskólastarfs, samvinnu við Heiðarskóla og fleiri stofnanir.

Heimasíða leikskólans er: https://skoli.hvalfjardarsveit.is/

Helstu verkefni og ábyrgð

• Vinna að uppeldi og menntun barna samkvæmt starfslýsingu leikskólakennara eða leiðbeinenda í leikskóla.
• Vinna í samvinnu við leikskólakennara, deildarstjóra og skólastjórnendur.

Menntunar- og hæfniskröfur

• Leyfisbréf til kennslu*, háskólamenntun og/eða önnur menntun sem nýtist í starfi
• Reynsla af vinnu með börnum
• Góð samskiptahæfni
• Góð íslenskukunnátta
• Sjálfstæð og skipulögð vinnubrögð
• Fagmennska og lausnamiðuð hugsun
• Hæfni til að vinna í teymi

*Ef ekki fást leikskólakennarar verður horft til menntunar og reynslu. Við hvetjum því öll áhugasöm til að sækja um.

Hlunnindi í starfi

• 35 klst. vinnuvika / 7 klst. vinnudagur. Afleysing er í húsi fyrir styttingunni.
• Opnunartími leikskólans er 7:30-16:30.
• 6 skipulagsdagar á ári.

Umsóknarfrestur til og með 24. mars 2026.

Fáist leikskólakennari til starfa, nýtur hann forgangs í starfið á grundvelli laga nr. 95/2019. Möguleiki getur skapast á áframhaldandi ráðningu frá hausti. Við hvetjum leikskólakennara til að sækja um. Leyfisbréf leikskólakennara fylgi umsókn.

Nánari upplýsingar um störfin veitir Eyrún Jóna Reynisdóttir í síma 4338530 eða með því að senda fyrirspurn á eyrun@hvalfjardarsveit.is.

Launakjör er samkvæmt kjarasamningi Sambands íslenskra sveitarfélaga og viðkomandi stéttarfélags.

Áhugasamir einstaklingar, án tillits til kyns, eru hvattir til að sækja um og skal umsókn ásamt starfsferilskrá og leyfisbréfs skilað í gegnum Alfreð eða í tölvupósti til leikskólastjóra á netfangið: eyrun@hvalfjardarsveit.is.