Fréttir af Skýjaborg

Á föstudaginn 27. febrúar buðum við í konudagskaffi í leikskólanum. Boðið var upp á kaffi, brauð, kex, salöt, ýmislegt álegg og vínber. Börnin höfðu teiknað fallegar myndir af mömmum sínum og svarað nokkrum spurningum um þær. Myndirnar voru hengdar upp til sýnis og vöktu gleði.

Í upphafi þorra, á bóndadaginn, buðum við í bóndadagskaffi í leikskólanum. Boðið var upp á kaffi, brauð, kex, salat, ýmislegt álegg og melónur. Börnin höfðu teiknað mynd af pabba sínum eða afa og svarað nokkrum spurningum um þá sem hengdar voru upp til sýnis. Á sama tíma var landsleikur í handbolta og kveiktum við á honum fyrir þá sem vildu fylgjast með. Sumir settust niður og spjölluðu saman yfir kaffibolla á meðan aðrir fóru í leik með börnunum. Við áttum góða og notalega stund með pöbbum, öfum, systkinum, nokkrum mömmum og ömmum og þökkum við öllum kærlega fyrir komuna.

Leikskólinn Skýjaborg auglýsir eftir leikskólakennara til starfa í 100% stöðu frá 2. janúar 2026. Skýjaborg er tveggja deilda leikskóli í Melahverfi. Í Skýjaborg er lögð áhersla á umhverfismennt, útinám, snemmtæka íhlutun í máli og læsi og sjálfsprottinn leik. Skólinn er grænfánaskóli og gildi skólans eru: Vellíðan, virðing, metnaður og samvinna. Í Skýjaborg gefst tækifæri til að takast á við fjölbreytt og skemmtileg verkefni sem tengjast þróun leikskólastarfs, samvinnu við Heiðarskóla og fleiri stofnanir.

8. nóvember er baráttudagur gegn einelti. Til að vekja athygli á deginum hlupum við Vináttuhlaup á föstudaginn 7. nóv. Börn og starfsfólk hljóp 3 hringi í kringum leikskólann og fengu börnin viðurkenningu frá Blæ að launum.