Fréttir

Á þriðjudaginn var formleg útskrift elstu barnanna í leikskólanum en senn fer að líða að þau hefji grunnskólagöngu sína.Það voru 14 börn sem útskrifuðust að þessu sinni og fengu þau afthend tré frá leikskólanum og ferilmöppur sínar þar sem leikskólagangan er skrásett fyrir hvern og einn.

Undanfarið hefur verið mikið að gera í Heiðarskóla.S.l.miðvikudag var gróðursetningardagur, nemendur settu niður kartöflur og gróðursettu tré.Á föstudaginn var velheppnaður "survivordagur" í Fannahlíð.

Börnin í 1.-3.bekk fóru í skemmtilega sveitaferð í dag.Þau fóru gangandi því að frá Heiðarskóla er nú ekki langt í sveitasæluna.Andrea á Leirárgörðum tók vel á móti börnunum og sýndi þeim mjólkurróbóta og risastóran bursta fyrir kýrnar.

Mánudaginn 26.maí verður hjóladagur í Heiðarskóla, nemendum í 1.- 7.bekk er frjálst að koma með hjól, línuskauta, hlaupahjól eða hjólabretti í skólann.Lögreglan kemur í heimsókn og verður með umferðarfræðslu, hjólabraut og hjólaskoðun.

Veðrið lék við okkur í gær eins og sjá má á meðfylgjandi myndum.

Í dag var önnur heimsókn vorskólabarna í Heiðarskóla.Dagurinn gekk mjög vel.Börnin héldu áfram að vinna með skólaverkefni með Berglindi, þau hittu Björk í heimilisfræði og gerðu með henni gómsætan jarðarberjadrykk.

Fulltrúar frá Kiwanisklúbbnum Þyrli á Akranesi komu færandi hendi í Heiðarskóla í dag.Þeir afhentu börnunum í 1.bekk reiðhjólahjálma, bolta og buff.Útskýrt var fyrir börnunum hversu vel hjálmurinn verndar höfuðið og hvernig á að stilla hann þannig að hann virki sem best.

Slysavarnadeildin Líf á Akranesi ásamt Sjóvá gaf útskriftarnemum í 10. bekk reykskynjara í dag.Þar sem veðurblíðan var með eindæmum góð fór afhendingin fram úti.Við færum Líf og Sjóvá bestu þakkir fyrir.

Í dag lögðu börnin í leikskólanum sitt af mörkum til að fegra umhverfið okkar og tóku allt það rusl sem þau sáu í nágrenni leikskólans.Þau fundu fullt af spennandi rusli sem tilvalið var að nota í skapandi vinnu.

Í dag var haldið upp á Dag umhverfisins í Heiðarskóla.  Dagurinn hófst með umhverfisráðstefnu þar sem Katrín Magnúsdóttir frá Landvernd flutti erindi.Katrín fjallaði m.