Fréttir

Hún Ingibjörg Unnur er komin til okkar aftur og mun hún leysa Guðný af sem farin er í orlof.Ingibjörg verður á Dropanum og eru allir alsælir að fá hana aftur.

Umhverfisnefnd Heiðarskóla og Umhverfisnefnd Skýjaborgar héldu sameiginlegan umhverfisfund s.l.miðvikudag.Börnin byrjuðu á að ræða umhverfismálin og fóru síðan út með spjaldtölvur og tóku myndir af fyrstu ummerkjum vorsins.

Í dag og næstu föstudaga fáum við í heimsókn til okkar í leikskóla nemendur úr unglingadeild Heiðarskóla sem velja að koma í kynningu í leikskólann.Í dag eru þær Steinunn, Sigga og Elfa Dís hjá okkur og ætla að kynnast því sem við erum að gera.

Í Heiðarskóla er boðið upp á hollan og góðan heimilismat.Sú skemmtilega hefð hefur skapast í skólanum að hver bekkur fær að velja hvað er í hádegismatinn einu sinni á skólaárinu.

Í dag kom elsti árgangur Skýjaborgar í síðustu skólaheimsóknina í Heiðarskóla.Börnin fóru í íþróttir, á umhverfisfund með umhverfisnefnd Heiðarskóla og á bókasafnið.

Vonum að allir hafi notið sín í páskafríinu og mæti hressir og kátir í skólann á morgun en þá hefst skólastarfið aftur samkvæmt stundaskrá.Minnum líka á að keyrt verður heim klukkan 12:00 á miðvikudaginn vegna námskeiðs hjá starfsfólki skólans.

Fjölmennt var á Árshátíð Heiðarskóla í gær.Tónlistarskólanemendur fluttu nokkur atriði, sigurvegarinn úr Hæfileikakeppni skólans, hún Hrefna Rún í 2.bekk söng vinningsatriðið sitt og línuhappdrætti og veisluhlaðborð voru á sínum stað.

Danskennslunni þetta skólaárið lauk s.l.fimmtudag með danssýningu.Þó nokkrir gestir sáu sér fært að koma og fylgjast með krökkunum sem stóðu sig mjög vel.Inn á myndasafnið eru komnar myndir frá sýningunni.

Í dag fengu nemendur okkar í 7.bekk viðurkenningarskjal  fyrir þátttöku í Stóru upplestrarhátíðinni en krakkarnir hafa æft í vetur vandaðan upplestur.Skemmst er frá því að segja að allir gerðu sitt besta og tóku miklum framförum.

Undanfarnar vikur hefur Jóhanna Árnadóttir danskennari verið með dansnámskeið í Leik- og grunnskóla Hvalfjarðarsveitar.  Fimmtudaginn 19.mars er síðasti dagur kennslunnar og þá gefst foreldrum og öðrum velunnurum skólans tækifæri til að sjá afraksturinn á danssýningu.